Pra heta paviedamiŭ BIEŁTA načalnik Pieršamajskaha RUUS stalicy Andrej Paraščuk.
Infarmacyja pra zdareńnie razam z fota była raźmieščana ŭ roznych ŚMI.
Čytajcie:
«Zajac» zaliŭ kantraloru vočy piarcovym bałončykam
Mužčyna spałochaŭsia i vyrašyŭ źviazacca z paciarpiełym kantraloram praz dyśpietčara, kab vybačycca. Kantralor tut ža paviedamiŭ pra heta supracoŭnikam kryminalnaha vyšuku Pieršamajskaha RUUS.
Mužčynu zatrymali na sustrečy z kantraloram i dastavili ŭ RUUS dla dačy tłumačeńniaŭ. Im akazaŭsia 54-hadovy žychar stalicy.
Mužčyna rastłumačyŭ, što ŭ toj viečar jechaŭ ad prypynku «Dom kino» ŭ bok vuł. Kalinoŭskaha. Zajšoŭšy ŭ tralejbus №29, jon nie staŭ apłačvać prajezd, bo nie było hrošaj. Praź niekalki prypynkaŭ u transpart zajšli kantralory, pradjavić jakim prajaznyja dakumienty mužčyna nie moh, dakumienty, jakija śviedčać asobu, jon taksama admoviŭsia davać.
Kantralory paprasili vyjści z tralejbusa. Mužčyna admoviŭsia čakać supracoŭnikaŭ milicyi i pasprabavaŭ uciačy, ale kantralor pieraharadziŭ jamu šlach. Tady bieźbiletnik dastaŭ piarcovy bałončyk i pyrsnuŭ u tvar kantraloru i ŭciok u bok vuł. Kalinoŭskaha.
Mužčynu pahražaje da 5 hadoŭ pazbaŭleńnia voli. Taksama jon aštrafavany za bieźbiletny prajezd.
