Na viadučuju «Echa Moskvy» Taćcianu Fielhienhaŭer ździejśnieny napad u redakcyi, paviedamlaje Interfaks
Uzbrojeny nažom, raspavioŭ hałoŭny redaktar Alaksiej Vieniadziktaŭ, uvarvaŭsia ŭ redakcyju i paraniŭ Fielhienhaŭer.
Viadučaja, jakaja atrymała nažavoje ranieńnie ŭ šyju, špitalizavanaja. Napadnik zatrymany, paviedamiŭ Vieniadziktaŭ, nie staŭšy ŭdakładniać imia. Pryčyny napadu — niepryjaznaje staŭleńnie da žurnalistki pa asabistych pryčynach.
Telehram-kanał «Mash» paviedamlaje, što naviednikaŭ było dvoje. Jany pryjšli na prachadnuju ŭ budynku na Novym Arbacie ŭ Maskvie, dzie aranduje pamiaškańni «Echo Moskvy», i pyrsnuli z bałončyka hazam u tvar achoŭniku. Paśla hetaha jany padnialisia na lifcie na pavierch, dzie raźmieščanaja radyjostancyja, i napali na viadučuju.
Jak adznačajecca na sajcie radyjostancyi, pa słovach daktaroŭ, pahrozy dla žyćcia žurnalistki niama, joj pastaŭleny katetar.
***
Na telehram-kanał «Našaj Nivy» možna padpisacca tut.
