Administracyja Horackaj kałonii №9 adklikała pradstaŭleńnie ab pieravodzie palitviaźnia Michaiła Žamčužnaha na turemny režym adbyćcia pakarańnia, piša Radyjo Svaboda
Pryznačany na 24 kastryčnika Horackim sudom razhlad spravy admienieny, pakolki adpali padstavy. Takija źviestki padajuć pravaabaroncy. Sud mieŭsia adbycca ŭ kałonii.
Pravaabaronca z arhanizacyi «Ńju płatform inavejšn» Andrej Bandarenka miarkuje, što adklikaninie zajavy administracyjaj źviazanaje z samitam «Uschodniaha partniorstva», jakoje adbudziecca 24 listapada, i na jaki zaprošany Alaksandr Łukašenka.
U pačatku 2010-ch hadoŭ Michaił Žamčužny razam z Andrejem Bandarenkam zarehistravali pravaabarončuju arhanizacyju «Płatforma inavejšn», jakaja zajmałasia abaronaj pravoŭ viaźniaŭ. U 2015 hodzie Michaiła Žamčužnaha asudzili na 6 hadoŭ źniavoleńnia nibyta za sprobu podkupu milicyjanta.
Cisk na Žamčužnaha Bandarenka nazyvaje pomstaj za jahonuju pravaabarončuju dziejnaść. U kałonii Michaił Žamčužny ličycca złosnym parušalnikam režymu adbyćcia pakarańnia. Pavodle źviestak Andreja Bandarenki, na asudžanaha nakładziena šmat dyscyplinarnych spahnańniaŭ, što daje padstavy administracyi źviartacca ŭ sud, kab źmianić jamu ŭmovy režymu ŭtrymańnia.
