24 kastryčnika ZŠA praciahnuli prypynieńnie sankcyj u dačynieńni da dzieviaci biełaruskich pradpryjemstvaŭ, paviedamlaje Tut.by. Jak i ŭ minuły raz, rašeńnie budzie dziejničać paŭhoda, paviedamili ŭ Ministerstvie finansaŭ ZŠA.

Ministerstva finansaŭ ZŠA praciahnuła dazvoł na ździajśnieńnie ździełak ź biełaruskimi pradpryjemstvami, jakija trapili pad sankcyi ŭ adpaviednaści z ukazam prezidenta ZŠA № 13405. Dazvoł nie vyzvalaje zabłakavanuju ŭłasnaść hetych pradpryjemstvaŭ, adznačyli ŭ viedamstvie.

Rašeńnie budzie dziejničać da 30 krasavika 2018 hoda, kali jano nie budzie padoŭžanaje abo admienienaje.

U kastryčniku 2015 hoda ZŠA častkova prypynili sankcyi suprać dzieviaci kampanij ź Biełarusi. Heta «Biełnaftachim» i jaje filijał u ZŠA (Belneftekhim USA), «Biełšyna», «Hrodna Azot», «Hrodna Chimvałakno», «Łakafarba», AAT «Naftan», «Połack Škłovałakno». Zatym hetaje rašeńnie praciahvałasia na šeść miesiacaŭ u krasaviku i kastryčniku 2016 hoda.

Amierykanskija kampanii mohuć pravodzić ździełki z nazvanymi biełaruskimi pradpryjemstvami, ale kali suma ździełki pieravyšaje 50 tysiač dalaraŭ, to nieabchodna paviedamić Dziarždepartamentu ZŠA na praciahu 30 dzien.

Клас
Панылы сорам
Ха-ха
Ого
Сумна
Абуральна