Rasieja prosić «maksimalna adkazna» padyści da razhladu kryminalnaj spravy ŭ dačynieńni da aŭtaraŭ «Rehnuma». Pra heta na bryfinhu zajaviła aficyjny pradstaŭnik rasijskaha MZS Maryja Zacharava.
«Na dadzienym etapie my aznajomilisia ź infarmacyjaj ab tym, što sprava ab vystaŭleńni biełaruskimi ŭładami abvinavačvańniaŭ u raspalvańni rasavaj, nacyjanalnaj, relihijnaj albo inšaj sacyjalnaj varožaści da hramadzian Biełarusi, jakija supracoŭničali z rasiejskimi infarmacyjnymi resursami pieradadzienaja ŭ Minski haradski sud.
Chacieli b zaklikać biełaruski bok maksimalna adkazna padyści da razhladu hetaj kryminalnaj spravy ŭ strohaj adpaviednaści z uziatymi na siabie Biełaruśsiu abaviazacielstvami, pierš za ŭsio, u płanie zachavańnia svabody vykazvańnia mierkavańniaŭ» — pryvodzić słovy Zacharavaj pres-słužba MZS RF.
