U sieradu, 25 kastryčnika, siłaviki zatrymali dvuch kiraŭnikoŭ AAT «DarOrs», bujnoha viedamasnaha rytejlera i vytvorcy kvietak.

Hetuju infarmacyju tut.by paviedamili dźvie krynicy i paćvierdziła aficyjny pradstaŭnik Śledčaha kamiteta Julija Hančarova.

«Dyrektar i hałoŭny inžynier zatrymanyja pa padazreńni ŭ ździajśnieńni karupcyjnaha złačynstva pa materyjałach HUBAZiK MUS. USK pa Minsku raspačata i rasśledujecca kryminalnaja sprava pa artykule 210 Kryminalnaha kodeksa (Kradziež šlacham złoŭžyvańnia słužbovymi paŭnamoctvami). Staličnyja śledčyja raźbirajucca ŭ situacyi», - paviedamiła Hančarova.

Zatrymanyja, pavodle infarmacyi tut.by, hienieralny dyrektar AAT «DarOrs» Alaksandr Kazłoŭ i hałoŭny inžynier Alaksiej Krupkievič.

AAT «DarOrs» kantraluje praktyčna ŭvieś handal i hramadskaje charčavańnie ŭ rajonie Minskaha čyhunačnaha vakzała, bujny apieratar kvietkavaha rynku.

Клас
Панылы сорам
Ха-ха
Ого
Сумна
Абуральна