Ksienija Sabčak nazvała Iosifa Stalina «katam i złačyncam» i abvinavaciła jaho ŭ poŭnamaštabnym hienacydzie narodaŭ, što ŭvachodzili ŭ SSSR. Pra heta jana napisała ŭ svaim instahramie.
«Stalin źniščaŭ nie prosta ludziej. Jon źniščaŭ samych lepšych, samych razumnych, samych śmiełych ludziej. Heta pa sutnaści poŭnamaštabny hienacyd ruskaha naroda. Stalin źniščyŭ ruski śviet, jaki nam tak i nie ŭdałosia adnavić», — napisała Sabčak. Jana padkreśliła, što «my abaviazany asudzić Stalina, asudzić toj čas». «Pahladzicie, zhadajcie, jak tolki my sprabavali asudžać jaho, kraina ruchałasia napierad. Jak tolki pačynalisia razmovy pra nieadnaznačnaść, usie skočvałasia ŭ zastoj i kontrreformy», - adznačyła jana.
Razmovy ab nieadnaznačnaści jaho fihury i epochi Sabčak nazvała «navat nie hłupstvam, a hniusnaściu».
«Z-za Stalina narody Savieckaha Sajuza pieražyli takoje vyprabavańnie, jakoha nie pieražyvaŭ bolš u 20 stahodździ nichto. Voś litaralna nichto. 2 249 728 čałaviek tolki pa aficyjnych dadzienych, dadzienych, ź jakimi zhadžajecca navat lipavy historyk [ministr kultury Uładzimir] Miadzinski, byli źniščany ŭ stalinskich łahierach», - pakazvaje jana.
Pavodle jaje słoŭ, Stalin — «adnaznačna vorah ruskaha, ukrainskaha, biełaruskaha, litoŭskaha, hruzinskaha luboha naroda, jakija zasialali tuju krainu». «Stalin pabudavaŭ sistemu, jakuju nie atrymałasia tut złamać ni Harbačovu, ni Jelcynu. Sistemu, dzie ŭsia ŭłada naležyć nie narodu, ni navat niejkim elitam, a prosta śpiecsłužbam. Hetuju sistemu nam jašče treba złamać», — napisała na zakančeńnie Sabčak.
