Videa radyjo «Svaboda».
Napiaredadni palityk Mikoła Statkievič paviedamiŭ u fejsbuku, što źbirajecca ŭšanavać pamiać rasstralanych piśmieńnikaŭ i pradstaŭnikoŭ intelihiencyi kala budynka KDB u Minsku 29 kastryčnika.
«80 hadoŭ tamu, nočču 29 kastryčnika 1937 hoda, va ŭnutranaj turmie NKVD u Minsku byli rasstralanyja bolš za 130 biełaruskich paetaŭ, piśmieńnikaŭ, publicystaŭ. Pačatak «Łancuha pamiaci» - u niadzielu ŭ 19.00 kala budynka KHB na praśpiekcie Niezaležnaści ŭ Minsku. Nie treba ściahoŭ i łozunhaŭ. Bo zabityja chadzili pad roznymi ściahami, natchnialisia roznymi łozunhami. Vaźmicie tolki śviečki ci łampady. … Kab trahiedyja 1937-ha hoda bolš nikoli nie mahła paŭtarycca na našaj ziamli», — napisaŭ Statkievič u svaim fejsbuku.
Nahadajem, što maładafrontaŭcy zaklikali pravieści noč z 29 na 30 kastryčnika ŭ Kurapatach, čytajučy vieršy rasstralanych paetaŭ.
