41% respandentaŭ ličać, što Rasija pavinna padtrymlivać samaabvieščanyja h.zv. Danieckuju i Łuhanskuju narodnyja respubliki ŭ kanflikcie na Danbasie, pakazała apytańnie Lavada-centra, praviedzienaje ŭ vieraśni.
6% apytanych miarkujuć, što Rasija pavinna padtrymlivać u kanflikcie Ukrainu i kijeŭski ŭrad. Jašče 37% ličać, što Maskva nikoha nie pavinna padtrymlivać. U takim farmacie Levada-centr zadaje pytańnie ŭpieršyniu, skazała RBK pres-sakratar centra Karyna Pipija.
Tema jurydyčnaha statusu DNR i ŁNR zamoŭčvajecca ŭ rasijskich ŚMI, jany nie prapanoŭvajuć aŭdytoryi adnaznačnaje mierkavańnie na hety kont, zajaviŭ RBK sacyjołah Levada-centra Ściapan Hančaroŭ. «Ale ŭsio-tki 41% padtrymki DNR i ŁNR davoli šmat, choć da idei dałučyć Danbas rasijanie ŭžo astyli. Cikavaść da ŭkrainskaj temy ciapier značna mienšaja, čym u 2014—2015 hadach», — razvažaje ekśpiert.
