Amierykanski akcior Kievin Spejsi abviaściŭ pra svaju homaseksualnaść. Pra heta jon napisaŭ u tvitary.
«Blizkija mnie ludzi viedajuć, što ciaham usiaho žyćcia ŭ mianie byli adnosiny jak z mužčynami, tak i z žančynami. Ja lubiŭ mužčyn i ŭ mianie byli ramantyčnyja sustrečy ź imi, i ciapier ja vybiraju praciahvać žyć jak adkryty hiej», — napisaŭ akcior.
Pry hetym raniej u ŚMI źjavilisia paviedamleńni, što akcior ź sieryjała Star Trek Entani Rep abvinavaciŭ Spejsi ŭ seksualnych damahańniach.
«Ja hłyboka pavažaju i zachaplajusia Entani Repam jak akcioram. Ja bolš čym šakavany hetaj historyjaj. Ja ščyra nie pamiataju hetaj sustrečy, jana pavinna była być kala 30 hadoŭ tamu», - napisaŭ akcior, vybačyŭšysia za svaje pavodziny.
Spejsi adznačyŭ, što mienavita hetaja historyja prymusiła jaho adkryta abviaścić ab svajoj homaseksualnaści.
***
Na telehram-kanał «Našaj Nivy» možna padpisacca tut.
