Užo pryjemnaj tradycyjaj stanovicca toje, što sietka restaranaŭ McDonald's apošnim časam asabliva aktualizuje dla biełarusaŭ kaštoŭnaści rodnaj movy i nacyjanalnaj kuchni. Čas, treba skazać, padabrany dla hetaha dosyć udały: dni stanoviacca ŭsio karaciejšymi, a ź nieba lije, to doždž, to mokry śnieh. U takija chviliny chočacca čahości śviatočnaha, jarkaha, pryhožaha.
McDonald's prapanavaŭ svaim naviednikam sučasnyja varyjacyi tradycyjnych biełaruskich stravaŭ: draniki sa śmiatanaj i «panskija» burhiery. A bonusam da hetaha idzie niečakanaja zabaŭka — stać dudarami.
Nie, dudar — heta nie zusim toj, chto hraje na dudačcy. Duda — kudy bolš surjozny muzyčny instrumient, jaki patrabuje adpaviednaj padrychtoŭki. Heta taki biełaruski anałah šatłandskaj vałynki. Niekali dudy praktyčna całkam źnikli z terytoryi Biełarusi, ale potym, namahańniami entuzijastaŭ, heta majsterstva adradziłasia znoŭ.
Duda — instrumient staražytny i archaičny. Biez dudy nie abychodziłasia nivodnaje śviata, nivodnaja radasnaja padzieja. «Biez skrypački, biez dudy chodziać nohi nie tudy».
Biełarusy vieryli, što na dudzie ŭmiejuć hrać jak boh, hetak i čort. I ŭ prykazkach heta adlustravałasia: «Jaho boh zajhraŭ u dudy», — tak kazali pra čałavieka, jakomu pašancavała.
Voś i siońnia, tamu, chto avałodaje azami dudarskaha majsterstva, pašancuje na bonus ad McDonald's. Pierš-napierš patrebna spampavać mabilny dadatak Duda. Znajści jaho možna jak dla ajfonaŭ, hetak i dla androidaŭ.
Abirajecie vid dudy — a jana jość z takich važnych dla biełarusaŭ drevaŭ, jak jasień, viarba, klon i višnia, — a taksama pieśniu. Dla vykanańnia prapanujuć try kampazicyi: nieŭmiručuju «Kupalinku», instrumientał «Śviatočnaja», a taksama «Maja kraina Biełaruś». Pomnicie hety chit hurtu «Bieź bileta»? Prostyja słovy, jakija ad pačatku 2000-ch zapomnilisia ŭsim: «Łaj-łaj-łaj, maja kraina Biełaruś». Dakładna ž słuchali jaje pa radyjokropkach, kali pravodzili kanikuły ŭ vioscy, ci pa televizary za śviatočnym stałom.
Vyznačylisia? Na hetym možna pačać dudzieć. Voś tut vy, napeŭna, i zhadajecie, što duda nie paddajecca aby-kamu: kab z honaram vykanać zadańnie, treba mieć nie tolki dobry muzyčny słych, ale i vydatny spryt.
Ź nieba padajuć śniažynki, a vaša zadačka — svoječasova cisnuć na adtulinki dudy.
Tolki paśpiavaj sačyć za hareźnicami. Kali rabić usio pravilna, to naradžajecca znajomaja vam muzyka. Uvažliva pračytajcie praviły: kali ŭ śniažynki doŭhi chvost, to treba nie prosta cisnuć, ale i ŭtrymlivać palec na adtulinie. Heta ŭskładniaje zadaču, ale chto abiacaŭ, što navučycca hrać na dudzie budzie prosta?
Tolki samy majstravity dudar zmoža raźličvać na ŭdaču. Patrebna nie prapuścić nivodnaj śniažynki. A ŭ zaležnaści ad taho, jakuju pieśniu vykonvaješ, atrymlivaješ vyhadnuju prapanovu, jakaja dazvolić aščadzić ad 10% da 30% cany na «panski burhier».
Što takoje «panski burhier»? Heta admysłova zroblenaja žytniovaja bułačka. Bolš takoj vy nie znojdziecie nidzie. A jašče razam ź joj u kamplekcie iduć jałavičyna, syr, cybula, hryby. Zdajecca, usio prosta. Ale ž samaja smačnaja ježa prostaja. Vopyt vašych babul i dziadulaŭ nie daść padmanuć.
Publikujecca na pravach rekłamy
TAA «Błu Miedyja» UNP 191173622
