Fota Volhi Šukajła
Palityka sacyjalnaha adzinstva, jakaja pravodzicca ŭładami, zabiaśpiečyła vysokuju zaniataść i roŭnaść, ale jana sfarmavała pierakosy i abmiežavańnie raźvićcia pryvatnaha siektara. Pra heta zajaviŭ kiraŭnik misii MVF pa Biełarusi Piter Dołman pa vynikach misii ŭ ramkach kansultacyj pa artykule IV, jakaja pracavała ŭ Biełarusi z 26 kastryčnika pa 10 listapada, piša Tut.by.
Kiraŭnik misii adznačyŭ, što viaducca plonnyja dyskusii z uładami, pryvatnym siektaram. Piter Dołman vykłaŭ asnoŭnyja vysnovy i rekamiendacyi pa vynikach misii.
«Čakany rost na 1,7% u 2017 hodzie i zastaniecca ŭ siarednieterminovaj pierśpiektyvie kala 2%, kali ŭrad nie raspačnie dadatkovych namahańniaŭ i Biełaruś zastaniecca ŭraźlivaj dla ŭsich šokaŭ. Adnaŭleńnie rostu ŭ značnaj stupieni tłumačycca palapšeńniem źniešnich umoŭ, ale taksama namahańniami ŭrada pa stabilizacyi, pryniatyja na praciahu apošnich dvuch z pałovaj hadoŭ», — kaža Dołman.
Piter Dołman rastłumačyŭ, što maje na ŭvazie ŭ pryvatnaści rekordna nizkuju inflacyju, ale adznačyŭ značnyja ryzyki, jakija źviazany z nastupstvami troch makraekanamičnych kryzisaŭ i nierefarmavanaha dziaržsiektara. Akramia taho, u krainie niehatyŭnaja demahrafičnaja situacyja.
U MVF ličać, što palityka sacyjalnaha adzinstva, jakaja pravodzicca ŭładami, zabiaśpiečyła vysokuju zaniataść i roŭnaść, ale jana sfarmavała pierakosy i abmiežavańnie raźvićcia pryvatnaha siektara