Pres-słužba Śledčaha kamiteta Mardovii zrabiła aficyjnuju zajavu z nahody abvału doma pa vuł. Furmanava ŭ Saransku. Pavodle papiarednich dadzienych, u novabudoŭli pavaliŭsia leśvičny marš z 10 pa 1 pavierch, paviedamlaje stolica-s.su
Fota Stolica S.
Na dadzieny momant dakładna viadoma ab troch achviarach. Ciapier praciahvajecca razbor zavałaŭ, paśla jakoha śledčyja i kryminalisty rehijanalnaha ŭpraŭleńnia SK Rasii pačnuć ahlad miesca zdareńnia. Dakładnaja kolkaść zahinułych i paciarpiełych jašče ŭdakładniajecca.
Na miescy zdareńnia zahinuŭ 58-hadovy Ravil Kakuryn, 31-hadovy Dźmitryj Kaleśnikaŭ i 40-hadovaja Śviatłana Huščyna, u jakoj zastałosia dzicia.
Jak paviedamlaje pres-słužba Śledčaha kamiteta Mardovii, kryminalnaja sprava zaviedzienaja pa artykule «Parušeńnie praviłaŭ biaśpieki pry viadzieńni budaŭničych rabot» (da 5 hadoŭ pazbaŭleńnia voli).
9 listapada ŭ rasijskim Ižeŭsku ŭ vyniku vybuchu bytavoha hazu abrynułasia častka dzieviacipaviarchovaha doma. Zahinuła šeść čałaviek, siarod ich dzieci, adzin ličycca źnikłym bieź viestak. Śledčy kamitet Rasii aryštavaŭ padazravanaha va ŭčynieńni vybuchu.
