Zatrymany Michaił Sitnik — adzin z kiraŭnikoŭ kampanii «ImabilenInviest», jakaja budavała FAK na skryžavańni staličnych vulic Rafijeva i Bialeckaha ŭ Malinaŭcy. Pra heta TUT.BY raspaviali niekalki nie źviazanych pamiž saboj krynic. A ŭ DFR KDK paviedamili padrabiaznaści kryminalnaj spravy ŭ dačynieńni da słužbovych asobaŭ «ImabilenInviest».
Pa słovach surazmoŭcaŭ, na minułym tydni pravaachoŭniki zatrymali Michaiła Sitnika. Jon źjaŭlajecca adnym z kiraŭnikoŭ kampanii «ImabilenInviest», ale bolš viadomy jak baćka pieramožcy dziciačaha «Jeŭrabačańnia» 2005 hoda Ksienii Sitnik. U kastryčniku pisali, što na jaho z-za dvajnych prodažaŭ pamiaškańniaŭ pakryŭdzilisia partniory pa budaŭnictvie spartyŭna-azdaraŭlenčaha kompleksu ŭ Malinaŭcy.
Adzin mabilnik Sitnika zaraz niedastupny, druhi — nie adkazvaje. Niedastupny taksama i telefon Taćciany Trockaj — jaho kampańjona pa kampanii «ImabilenInviest».
Namieśnik načalnika adździeła Departamienta finansavych rasśledavańniaŭ Kamiteta dziaržkantrolu Juryj Kardymon raspavioŭ, što departamientam vyjaŭleny fakty kradziažoŭ šlacham złoŭžyvańnia słužbovymi paŭnamoctvami słužbovymi asobami TAA «ImabilenInviest» pry budaŭnictvie i realizacyi niežyłych pamiaškańniaŭ u składzie fizkulturna-azdaraŭlenčaha kompleksu, jaki budujecca na skryžavańni vulic Rafijeva — Bialeckaha ŭ Minsku.
— Razam z tym praviedzienaja finansavaj milicyjaj pravierka pakazała, što słužbovymi asobami TAA «ImabilenInviest» adny i tyja ž niežyłyja pamiaškańni faktyčna pradavalisia pa niekalki razoŭ roznym asobam. Usiaho TAA «ImabilenInviest» było zaklučana dahavoraŭ na realizacyju niežyłych pamiaškańniaŭ FAKa ahulnaj płoščaj 7,3 tysiačy kvadratnych mietraŭ pry tym, što jaho prajektnaja płošča skłała nie bolš za 5 tysiač kvadratnych mietraŭ.
Departamientam raspačatyja kryminalnyja spravy pa častcy 4 artykuła 210 (Kradziež šlacham złoŭžyvańnia słužbovymi paŭnamoctvami) KK RB. Škoda pa ich skłała kala 900 tysiač rubloŭ (450 tysiač dalaraŭ). Heta tyja hrošy, jakija kampanija atrymała za paŭtornuju realizacyju pamiaškańniaŭ FAKa.
— Padazravanymi pa kryminalnych spravach pryznana dva čałavieki, jakija źjaŭlalisia słužbovymi asobami TAA «ImabilenInviest». U dačynieńni da adnaho ź ich prymieniena miera strymańnia ŭ vyhladzie zaklučeńnia pad vartu.
Zaraz pa ŭkazanych faktach pravodziacca nieabchodnyja śledčyja dziejańni i apieratyŭna-vyšukovyja mierapryjemstvy, nakiravanyja na vyjaŭleńnie i dakumientavańnie inšych epizodaŭ supraćpraŭnaj dziejnaści padazravanych.
