U studzieni nastupnaha hoda ŭvachodziać u siłu novyja praviły pracaŭładkavańnia inšaziemcaŭ u Polščy, paviedamlaje Polskaje radyjo.
Pavodle źmien, zajava ab namiery pracaŭładkavać inšaziemca, jakaja ciapier vydajecca pracadaŭcu biaspłatna, budzie zamieniena płatnym dazvołam na siezonnyja pracy (kala siami jeŭra). Pra heta paviedamiła dyrektarka Upraŭleńnia pa pytańniach pracy ŭ horadzie Hrujec Mažanna Skočak.
Pavodle jaje słoŭ, dazvołu na siezonnyja pracy buduć achoplivać nastupnyja haliny: palavodstva, sadoŭnictva, turystyčnuju i hastranamičnuju.
«Hetyja dazvoły buduć dvuch vidaŭ: jaki praduhledžvaje dva etapy pradastaŭleńnia dazvołaŭ dla zamiežnikaŭ, jakija znachodziacca pa-za miežami Polščy, i adzin etap — dla zamiežnikaŭ, jakija ŭžo znachodziacca na terytoryi Polščy i majuć dazvoł na lehalnaje znachodžańnie», — adznačyła jana.
U vypadku zamiežnikaŭ, jakija znachodziacca pa-za miežami Polščy, pracadaŭca budzie abaviazany padać zajavu ab vydačy dazvołu na siezonnyja pracy. Na padstavie hetaha dakumienta inšaziemiec zmoža adkryć vizu ŭ Polšču. Uładalniki bijamietryčnych pašpartoŭ zmohuć ujazdžać z takim dazvołam u Polšču bieź nieabchodnaści adkryćcia vizy. Pracadaŭca budzie abaviazany zarehistravać zamiežnaha rabotnika va ŭpraŭleńni pracy.
Dazvoły na siezonnyja pracy dla šaści krain, uklučajučy Ukrainu, buduć vydavacca biez praviadzieńnia analizu rynkaŭ pracy, h.zn. zdolnaści zadavalniać kadravyja patreby. Akramia taho, dakumient dazvolić pracavać zamiežniku na terytoryi Polščy 9 miesiacaŭ u hodzie, a nie 6, jak heta było raniej. Dazvoł na siezonnyja pracy moža być vydadzieny na 3 hady.
