Kamanda inžynieraŭ zmahła prademanstravać zdolnaść novaha 3D-pryntara drukavać u 10 razoŭ chutčej, čym sučasnyja anałahi. Pa słovach raspracoŭščykaŭ, abjekty, na druk jakich na zvyčajnych sistemach sychodzić kala hadziny, ich pryłada drukuje za paru chvilin. Na videa nižej pakazanaja praca pryłady ŭ realnym časie:
Sistema pabudavanaja na asnovie toj ža technałohii, što ŭžyvajecca ŭ bolšaści nastolnych 3D-pryntaraŭ: jana stvaraje madeli z płastoŭ raspłaŭlenaha płastyka. Kab paskoryć pracu, inžyniery ŭnieśli ŭ drukarskuju hałoŭku niekalki klučavych źmienaŭ, u pryvatnaści novy vintavy miechanizm, jaki padaje materyjał dla druku na bolš vysokich chutkaściach.
Taksama pobač z drukarskaj hałoŭkaj inžyniery raźmiaścili łazier, jaki płavić płastyk našmat chutčej. Novyja kampanienty raźmieščanyja na bolš chutkasnym šasi, zdolnym pieramiaščać hałoŭku z pavyšanaj chutkaściu.
