Biełaruś i Rasija ŭzhadnili indykatyŭny bałans pastavak rasijskaj nafty ŭ 2018 hodzie. Pra heta zajaviŭ žurnalistam namieśnik ministra enierhietyki Rasii Kirył Maładcoŭ, paviedamlaje TASS.
Pa słovach Kiryła Maładcova, abjom pastavak składzie 24 młn ton. «Bałans źviarstany, usio hetak ža, jak i mierkavałasia — 24 młn ton», — skazaŭ jon.
TUT.BY nahadvaje, što paśla naftahazavaha kanfliktu pamiž Minskam i Maskvoj u krasaviku Rasija adnaviła pastaŭki nafty ŭ Biełaruś u tych abjomach, jakija zaćvierdžanyja dziejučym pahadnieńniem, h.zn. 24 młn ton za hod.
Takija abjomy pastaŭlacca buduć z hetaha hoda i da 2024 hoda ŭklučna. Pry hetym da 2018 hoda ŭklučna z 24 młn tolki 18 młn budzie adpraŭlacca na pierapracoŭku NPZ, što biełaruskija ŭłady nazyvajuć «vyhadnym pahadnieńniem».
