Bruno Fahy / Zuma / Global Look Press
U sieradu 6 śniežnia na 75-m hodzie žyćcia pamior francuzski rok-śpiavak, kampazitar i akcior Džoni Chalidej. Pra heta paviedamlaje vydańnie Le Huffington Post sa spasyłkaj na žonku muzykanta Letycyju.
«Džoni Chalidej syšoŭ. Ja nie vieru ŭ heta, ale ŭsio ž heta tak: jaho bolš niama. Jon pakinuŭ nas siońnia, i ŭsio svajo žyćcio jon pražyŭ z mužnaściu i hodnaściu », - paviedamiła Letycyja Chalidej. Jana nie ŭdakładniła pryčynu śmierci muža. U apošnija hady rok-śpiavak zmahaŭsia z rakavym zachvorvańniem.
Džoni Chalidej (Žan-Filip Lea-Śmiet, Chalidej (pra francuzsku Alide psieŭdanim baćki, jaki Džoni/Žan uziaŭ sabie) pačaŭ vystupać u 1955 hodzie. Za svaju karjeru jon pravioŭ bolš za 400 turne, a da 2005 hodzie pradaŭ kala 80 młn dyskaŭ. 18 albomaŭ rok-śpievaka stali płacinavymi. Usiaho jon napisaŭ bolš za 1 tys. piesień. U 1997 hodzie prezident Francyi Žak Šyrak uručyŭ śpievaku orden Hanarovaha lehijona. U 2009 hodzie Chalidej adpraviŭsia ŭ raźvitalnaje turne pad nazvaj «Tour 66». Tolki na troch kancertach hetaha turne prysutničali kala 240 tys. hledačoŭ.
