Arhientynski napadajučy miłanskaha «Intera» Maŭra Ikardzi moža padčas zimovaha tranśfiernaha akna pierajści ŭ madrydski «Reał». Suma ŭhody aceńvajecca ŭ €80 młn, paviedamlaje Football Italia.
Zarpłata 24-hadovaha arhientynskaha napadnika ŭ «Reale» składzie €9 młn u hod. Taksama jon budzie atrymlivać 30% prybytku ad prodažu svaich imidžavych pravoŭ. Čakajecca, što Ikardzi projdzie miedycynski ahlad u madrydskim kłubie ŭ kancy biahučaha miesiaca.
Forvard naradziŭsia ŭ arhientynskim horadzie Rasaryjo — tam ža, dzie i Lijanel Miesi. U 9 hadoŭ jon pierajechaŭ u Ispaniju, dzie vystupaŭ u sistemie ciapier nieisnujučaha kłuba «Viesindaryja» z Kanarskich vyspaŭ. Za šeść hadoŭ jon zabiŭ za moładzievyja kamandy kłuba bolš za 500 hałoŭ. U 15 hadoŭ Ikardzi pierajšoŭ u «Barsiełonu», u jakoj hulaŭ za junackija kamandy da 17 i da 19 hadoŭ.
