Kancler Niamieččyny Anhieła Mierkiel dystancyjavałasia ad rašeńnia prezidenta ZŠA pryznać Ijerusalim stalicaj Izraila, piša Deutsche Welle
«Urad Niamieččyny nie padtrymlivaje hetuju pazicyju, bo pytańnie ab statusie Ijerusalima pavinna być vyznačana ŭ ramkach stratehii stvareńnia dźviuch dziaržaŭ», — pracytavaŭ Mierkiel u tvitary aficyjny pradstaŭnik kanclera Štefien Zajbier.
Napiaredadni Brusel i Bierlin pieraścierahli ZŠA ad adnabakovaha pryznańnia Ijerusalima stalicaj Izraila. Nieabchodna paźbiahać usiaho, što moža pieraškodzić mirnamu ŭrehulavańniu i kancepcyi stvareńnia dźviuch dziaržaŭ dla izrailcian i palestyncaŭ, zajaviła viarchoŭny pradstaŭnik ES pa źniešniaj palitycy i palitycy biaśpieki Fiederyka Mahieryni.
Jaje padtrymaŭ kiraŭnik MZS Niamieččyny Zihmar Habryel «Rašeńnie prablemy Ijerusalima mahčyma tolki na pramych pieramovach pamiž dvuma bakami», — padkreśliŭ jon u Bierlinie, dadaŭšy, što ŭsio, što spryjaje abvastreńnia situacyi ŭ ciapierašnija časy, źjaŭlajecca kontrpraduktyŭnym.
Drukujecca ŭ miežach śpiecyjalnaj rubryki «Naviny Hiermanii»
