Mižnarodny alimpijski kamitet (MAK) voźmie na siabie ŭsie vydatki pa ŭdziele spartoŭcaŭ z RF u Alimpijskich hulniach 2018 hoda ŭ paŭdniovakarejskim Pchiončchanie. Pra heta na pres-kanfierencyi zajaviŭ prezident MAK Tomas Bach, paviedamlaje TASS.
«Kali MAK zaprašaje spartsmienaŭ, to ŭ takim vypadku my pakryvajem ich transpartnyja vydatki. Z našaha rašeńnia vidać, što hetyja spartoŭcy nie buduć adroźnivacca ad lubych inšych, jakija ŭdzielničajuć u spabornictvach. Jany buduć raźmieščanyja biaspłatna, jeści biaspłatna, budzie apłačanaja častka dapamožnaha piersanału», — skazaŭ Bach.
Adnačasova z hetym staršynia ŭrada RF Dźmitryj Miadźviedzieŭ daručyŭ akazać materyjalnuju dapamohu abvinavačanym u dopinhu i adchilenym ad Alimpijady rasijskim spartoŭcam.
«Uradu treba padrychtavać adpaviednyja prapanovy ab padtrymcy. Chacieŭ by, kab adkazny vice-premjer [Vital Mutko] i ministr sportu [Pavieł Kałabkoŭ] zanialisia hetym i dakłali mnie svaje prapanovy», — cytuje TASS słovy Miadźviedzieva na pasiadžeńni ŭrada.
U aŭtorak MAK časova prypyniŭ siabroŭstva Alimpijskaha kamiteta Rasii (AKR) u arhanizacyi i adchiliŭ zbornuju Rasii ad udziełu ŭ Alimpijskich hulniach 2018 hoda. Zhodna z rašeńniem MAK, na Hulni mohuć jechać tolki čystyja spartoŭcy pad niejtralnym ściaham. U sieradu prezident Rasii Uładzimir Pucin zajaviŭ, što ŭłady RF nie buduć pieraškadžać udziełu spartsmienaŭ u Alimpijadzie ŭ niejtralnym statusie.
Alimpijskija hulni projduć z 9 pa 25 lutaha.
