Mocny mokry śnieh čakajecca ŭ Biełarusi 10 śniežnia. Z-za niespryjalnaha pahodnaha źjavy ŭ krainie abjaŭleny aranžavy ŭzrovień niebiaśpieki. Pra heta paviedamili ŭ Respublikanskim centry pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody.
Fota Siarhieja Hudzilina
U niadzielu praz terytoryju Biełarusi buduć prachodzić aktyŭnyja atmaśfiernyja franty z boku Ukrainy. Na bolšaj častcy krainy čakajecca mokry śnieh, pa paŭdniovym uschodzie z daždžom.
U asobnych rajonach (Baranavickim, Babrujskim, Viciebskam, Minskim, Mahiloŭskim, Pinskim) prahnazujucca mocnyja apadki, nalipańnie mokraha śniehu, hałalod, tuman, na darohach hałalodzica. Dniom u niekatorych rajonach mahčymy mocny paryvisty viecier. Tempieratura pavietra na praciahu sutak budzie vahacca ad -3 da +2, dniom pa paŭdniovym uschodzie - + 3 … 5 hradusaŭ.
Nalipańnie mokraha śniehu moža pryvieści da paškodžańnia dreŭ, abryvu pravadoŭ i adklučeńnia elektryčnaści. Taksama mahčyma pavieličeńnie kolkaści kamunalnych avaryj i darožna-transpartnych zdareńniaŭ.
U suviazi z hetym śpiecyjalisty MNS rekamiendujuć być aściarožnymi na vulicy — źviartać uvahu na cełasnaść pavietranych linij elektrapieradačy, pry vyjaŭleńni abryvu linij elektrapieradačy telefanavać pa telefonie 101. Nie rekamiendujecca vykarystoŭvać doma elektranahravalnyja prybory, bo heta moža pryvieści da istotnych nahruzak na elektrapravodku i jaje ŭzharańnie.
Kiroŭcam taksama rekamiendujecca być vielmi aściarožnymi i ŭvažlivymi, a niespraktykavanym - i zusim ŭstrymacca ad pajezdak za rulom.
