Fota: staronka dazv.gov.ua u Facebook
Abłomki viertalota likvidataraŭ, jaki ŭpaŭ 30 hadoŭ tamu, znajšli na Čarnobylskaj atamnaj elektrastancyi (ČAES). Pra heta paviedamlaje Ahienctva pa kiravańni zonaj adčužeńnia.
Adznačajecca, što znojdzienyja častki viertalota Mi-8 — chvastavoje apiareńnie z abłamanym elemientami rulavoj šruby. Na ich natyknulisia padčas demantažu paślaavaryjnaha lohkaha dachu mašynnaj zały čaćviortaha enierhabłoka, dzie adbyŭsia vybuch.
Mašyna paciarpieła krušeńnie 2 kastryčnika 1986 hoda, kali ekipaž zajmaŭsia apracoŭkaj dachu błokaŭ druhoj čarhi ČAES. Piłoty nie zaŭvažyli tros vyšynnaha krana z-za adsutnaści na im sihnalnaha abstalavańnia. Na borcie byli čatyry čałavieki: Uładzimir Varabjoŭ, Alaksandr Junhkind, Leanid Chryścič i Mikałaj Hanžuk. Usie jany zahinuli. U Čarnobyli im ustalavali pomnik.
U Ahienctvie pa kiravańni zonaj adčužeńnia paviedamili, što płanujuć dastać abłomki Mi-8, dezaktyvavać ich i zatym źmiaścić u muziej.
***