Uviečary 13 śniežnia ŭ punkcie propusku «Bierastavica» biełaruskija pamiežniki zatrymali parušalnika miažy.
Jak vyśvietliłasia padčas razboru, 45-hadovy hramadzianin Estonii dabraŭsia da sumiežnaj polskaha punktu propusku «Babroŭniki» aŭtastopam sa Šviecyi, dzie adbyvaje pakarańnie za drobnaje chulihanstva. Miarkujučy pa bahažu «turysta», času na zbory praktyčna nie było: z saboj jon uziaŭ tolki salidnuju sumu hrošaj u roznych valutach, a taksama stahramovy źlitak zołata, paviedamlaje padrabiaznaści pres-słužba Pamiežnaha kamiteta.
Sa słoŭ mužčyny, pry afarmleńni na sumiežnym baku polskija pamiežniki paviedamili jamu, što jon znachodzicca ŭ vyšuku. Pa hetaj pryčynie inšaziemiec, bajučysia za svaju svabodu, vyrašyŭ nie čakać afarmleńnia i schavaŭsia ad polskich achoŭnikaŭ miažy na biełaruskaj terytoryi.
Daloka schavacca jamu nie ŭdałosia: na biełaruskim baku pamiežny atrad zatrymaŭ uciekača.
Za parušeńnie dziaržmiažy ŭ dačynieńni da hramadzianina Estonii raspačaty administracyjny praces. Na dadzieny momant vyśviatlajecca asoba zatrymanaha, dakumienty jakoha zastalisia ŭ Polščy, i pravodzicca pravierka jaho dačynieńnia da inšych pravaparušeńniaŭ.
