15 śniežnia adzin z samych papularnych biełaruskich sajtaŭ «Biełaruski partyzan» pierastaŭ adkryvacca. Vyśvietliłasia, što jaho zabłakavali pa rašeńni Ministerstva infarmacyi «za publikacyju zabaronienaj infarmacyi».
Jakija artykuły, na dumku čynoŭnikaŭ, parušali zakanadaŭstva, pakul nieviadoma.
«Pačałosia ŭsio jašče ŭčora, 14 śniežnia. Karystalniki «Atłant Telekam» pisali, što nie mohuć adkryć naš sajt. A 15 śniežnia vyśvietliłasia, što «Partyzan» zabłakavany Mininfarmam, — raspaviała «Našaj Nivie» žurnalistka Śviatłana Kalinkina, suzasnavalnica «Biełaruskaha partyzana». — Pryčym my nie viedajem, za što nas zabłakavali. Anijakich papiaredžańniaŭ «Biełaruski partyzan» nie atrymlivaŭ, paśla błakavańnia taksama nie było nijakich tłumačeńniaŭ z boku čynoŭnikaŭ, jakija artykuły štości parušyli».
