Ministerstva ŭnutranych spraŭ Biełarusi raźmiaściła na svaim sajcie vialikaje apytańnie na temu piedafilii. Naviednikam prapanujecca adkazać na 11 pytańniaŭ, ale pry hetym vynikaŭ apytańnia daviedacca nielha: zamiest statystyki adkazaŭ paśla zakančeńnia respandent atrymlivaje tolki paviedamleńnie «Vy prahałasavali».
Frahmient apytańnia. Skrynšot z sajtu MUS.
Na dadatak, va ŭsich adzinaccaci pytańniach markiery z adkazam užo prastaŭlenyja ŭ tych varyjantach, jakija padajucca być najbolej karysnymi z punktu hledžańnia samoha ministerstva. Vyniatkam źjaŭlajecca pytańnie pra chimičnuju kastracyju piedafiłaŭ — jana nie adznačanaja jak pačatkovy varyjant adkazu. Zamiest jaje paznačany varyjant «Miery prymusovaha lačeńnia i nastupnaje nazirańnie za asobaj paśla adbyćcia asnoŭnaha pakarańnia».