Ministr enierhietyki Uładzimir Patupčyk rastłumačyŭ, čamu Biełaruś admaŭlajecca ad impartu elektraenierhii z 2018 hoda. «Tut niama nijakaj palityki. Rasija była i zastajecca hałoŭnym stratehičnym partnioram dla Biełarusi. Rašeńnie admovicca ad impartu elektraenierhii nosić čysta ekanamičny charaktar», — adznačyŭ Uładzimir Patupčyk.
Ministr źviarnuŭ uvahu, što Biełaruś užo daŭno išła da admovy ad impartu elektraenierhii, pastupova skaračajučy jaje pastaŭki z-za miažy i madernizujučy ŭłasnuju enierhasistemu. U krainie realizavany dźvie maštabnyja halinovyja prahramy, što dazvoliła značna pavysić efiektyŭnaść biełaruskaj enierhasistemy. U pryvatnaści, u 2017 hodzie raschod paliva na vytvorčaść elektraenierhii składaje kala 230 h umoŭnaha paliva na 1 kVt·h (heta adzin z najbolš značnych pakazčykaŭ, jaki charaktaryzuje efiektyŭnaść raboty enierhasistemy, u struktury vydatkaŭ na hienieracyju elektraenierhii paliŭny składnik — 85%). U krain-partnioraŭ Biełarusi pa JEAES raschod paliva na vytvorčaść elektraenierhii vyšejšy.
Takim čynam, Biełaruś skaračaje vydatki na vytvorčaść elektraenierhii — tolki za apošnija 5 hadoŭ jany źnizilisia na 30%, kanstatavaŭ Uładzimir Patupčyk. Heta dazvalaje zachavać hranična nizkija taryfy na elektryčnuju i ciepłavuju enierhiju dla nasielnictva. «Taryf na elektraenierhiju dla nasielnictva praktyčna taki ž, jak u Rasii, pry hetym cana hazu dla biełaruskich enierhietykaŭ praktyčna ŭ 2 razy vyšej, čym u rasijskich kaleh. Što datyčycca ciepłavoj enierhii, to taryf u 3 razy nižej, čym u RF», - adznačyŭ jon. Adbyłosia źnižeńnie taryfaŭ dla realnaha siektara ekanomiki — bolš čym na 15% za apošnija 5 hadoŭ.
Maksimalny abjom impartavanaj ŭ Biełaruś elektraenierhii składaŭ 7,8 młrd kVt·h u hod, u hetym hodzie jon składzie 2,7 młrd kVt·h. U 2018 hodzie ad impartu vyrašana admovicca.
«My praličyli ekanomiku i ŭbačyli, što dla krainy budzie bolš vyhadna zabiaśpiečyć ułasnuju vytvorčaść elektraenierhii na našych krynicach. Takim čynam, my źnizim u 2018 hodzie nahruzku na valutny rynak na $ 300 młn ($ 140 młn - sama zakupka i $ 160 młn - ekanomija ad madernizacyi biełaruskaj enierhasistemy)», — reziumavaŭ Uładzimir Patupčyk.
