Z metaj stvareńnia bolš efiektyŭnych kamunikacyjnych kanałaŭ ź instytucyjami Jeŭrapiejskaha sajuza, a taksama dla lepšaha razumieńnia funkcyjanavańnia Jeŭrapiejskaj kamisii, Rady ES i Jeŭrapiejskaha parłamienta pradstaŭnikami biełaruskaj hramadzianskaj supolnaści i śpiecyjalistami ŭ roznych halinach, “Ofis za demakratyčnuju Biełaruś” (Brusiel) i Fond Raźvićcia Pravavych Technałohij (Ukraina) arhanizujuć šerah adukacyjnych vizitaŭ u Brusiel.
Kožny vizit, akramia ahulnaha aznajamleńnia sa strukturami ES, stvaraje pierśpiektyvy bolš hłybokaha vyvučeńnia mahčymaściej supracoŭnictva pamiž Brusielem i Biełaruśsiu ŭ takich śfierach jak: achova navakolnaha asiarodździa, enierhietyka i enierhaźbierahalnyja technałohii, navuka i adukacyja, transpart. Naša prahrama maje na mecie dapamahčy biełaruskim śpiecyjalistam uzbahacić svaje viedy ŭ toj ci inšaj halinie i naładzić karysnyja kantakty ź jeŭrapiejskimi kalehami.
Pieršy vizit z tematyčnym akcentam na pytańni achovy navakolnaha asiarodździa i supracoŭnictva Biełarusi i ES u halinie baraćby z nastupstvami Čarnobylskaj katastrofy adbudziecca ŭ pieršaj dekadzie listapada (daty buduć udakładniacca). Udzielniki prahramy buduć adbiracca na konkursnaj asnovie. Pieravaha budzie addavacca kandydatam z adpaviednymi viedami va ŭzhadanaj vyšej vobłaści, a taksama z adpaviednym pracoŭnym dośviedam.
Viedańnie anhielskaj movy – nie abaviazkovaje!
Prapanujem uziać udzieł u našym prajekcie pradstaŭnikam hramadskich arhanizacyj i eka-asacyjacyj, navukoŭcam, ekśpiertam Ministerstva pryrodnych resursaŭ i achovy navakolnaha asiarodździa.
Zajaŭki na ŭdzieł prosim dasłać nie paźniej za 10 kastryčnika na elektronnyja adrasy:
