Ad amierykanskaj nastaŭnicy Nikol Dziufo (Nicole Dufault) ź Ńju-Džersi zapatrabavali miljon dalaraŭ za seks z vučniami, piša Lenta.ru sa spasyłkaj na Daily Mail.
38-hadovaja žančyna ŭ 2013-14 hadach zajmałasia seksam z šaściu vučniami, jakim na toj momant było ad 14 da 15 hadoŭ. U 2014 hodzie jana była aryštavanaja.
Žančyna, maci dvaich dziaciej, fihuruje ŭ troch asobnych sudovych pracesach, inicyjavanych baćkami čatyroch junakoŭ. Baćki dvaich ź ich zapatrabavali ad jaje i dyrekcyi škoły kampiensacyju ŭ pamiery miljon dalaraŭ, a taksama apłatu pasłuh advakataŭ.
Dziufo nibyta zaprašała junakoŭ pravodzić ź joj čas u školnym kłasie padčas kanikuł abo ŭ vychodnyja. U adnym z pazovaŭ advakat baćkoŭ apisaŭ, jak jana «razmaŭlała z vučniami ab nieprystojnych dziejańniach i kranała intymnyja častki ich ciełaŭ». Taksama śćviardžajecca, što nastaŭnica zajmałasia seksam z vučniami ŭ školnym kampusie i ŭ svajoj mašynie. Časam jana falsifikavała žurnał naviedvańniaŭ, kab jaje lubimčyki «nie patrapili ŭ biadu».
Advakat Dziufo śćviardžaje, što nastaŭnica nasamreč źjaŭlajecca achviaraj, bo mieła čerapna-mazhavuju traŭmu i tamu nie mahła admović vučniam.
«My majem spravu z praźmierna ahresiŭnaj hrupaj vučniaŭ, jakija ŭstupili ŭ pałavy kantakt z nastaŭnicaj, jakaja pakutavała ad paškodžańnia hałaŭnoha mozhu», — zapeŭniŭ jon.