Pra hetamu paviedamiła ŭ intervju BIEŁTA staršynia Centrvybarkama Lidzija Jarmošyna.
Jana vykazała zdahadku, što, kali zychodzić z kolkaści vybarščykaŭ prykładna ŭ 7 młn, nieabchodnaja kolkaść sabranych podpisaŭ moža dachodzić da 70 tys.
«Miarkuju, što barjery dla vyłučeńnia treba prybirać, kab było bolš zarehistravanych kandydataŭ i bolš aktyŭna praciakała palityčnaje žyćcio», — skazała Lidzija Jarmošyna. Na jaje dumku, pry dziejučym zakanadaŭstvie bieź vialikich hrošaj albo biez značnaha administracyjnaha resursu sabrać nieabchodnych dla siońnia 100 tys. podpisaŭ vielmi składana.
«Viadoma, užo na pačatkovaj stadyi kandydaty ŭ prezidenty ŭ nas mohuć stvarać vybarčyja fondy, ale, ščyra kažučy, nie tak šmat ludziej, jakija zdolnyja ich apłacić. Ci treba nastolki kamiercyjalizavać vybary?» — zadałasia pytańniem staršynia CVK.
