Amierykanski režysior, scenaryst i pradziusar Chju Uiłsan pamior u ZŠA va ŭzroście 74 hadoŭ, paviedamlaje Variety.
Pavodle jaho dadzienych, śmierć nastupiła jašče 14 studzienia, adnak rodnyja režysiora, jaki pamior u svaim domie ŭ horadzie Šarłotśvił (Virdžynija), tolki ciapier paviedamili ab jaho śmierci ŚMI.
Najbolšym pośpiecham Uiłsana ŭ vialikim kino staŭ film «Palicejskaja akademija», pieršapačatkovy scenar jakoha jon całkam pierapisaŭ, paśla čaho sam źniaŭ film.
Pośpiech pieršaj častcy byŭ nastolki mahutnym, što ŭ nastupnyja dziesiać hadoŭ vyjšła šeść sikviełaŭ, adnak da ich stvareńnia Uiłsan adnosiny ŭžo nie mieŭ.
Sam Uiłsan u nastupnyja hady źniaŭ niekalki viadomych filmaŭ, u tym liku «Kłub pieršych žonak» i «Vybuch ź minułaha», a taksama napisaŭ scenar kamiedyi «Prybrać pieryskop».