Prezident Turkmienitana Hurbanhuły Bierdymuchamiedaŭ padpisaŭ zakon, jaki zabaraniaje pakazvać u filmach i teleprahramach seks, hvałt i škodnyja zvyčki. Pra heta paviedamlaje «Radyjo Azatłyk».
Nie zrazumieła, što budzie sa stralajučym prezidentam Turkmienistana — prapahanda hvałtu heta ci nie, iranizuje turkmienskaja słužba Radyjo Svaboda
Zakon zaklikaje stvarać «stanoŭčy vobraz» krainy. Adzin ź jaho punktaŭ pakazvaje na «zabieśpiačeńnie abarony niepaŭnaletnich asob ad raspaŭsiudžvańnia publičnaj infarmacyi, jakaja akazvaje niehatyŭnaje ŭździejańnie na ich fizičnaje, razumovaje abo maralnaje raźvićcio».
U dakumiencie taksama havorycca, što zabarona na demanstracyju seksu, hvałtu i škodnych zvyčak na telebačańni abumoŭleny abaronaj nacyjanalnych intaresaŭ. Pry hetym u zakonie nie paznačana dakładna, što majecca na ŭvazie pad «škodnymi zvyčkami», a taksama nie pieraličanyja orhany abo asoby, jakija zojmucca ich vyznačeńniem.