Pieršy etap zakupki procitankavych rakietnych kompleksaŭ typu «Džavielin» zaviaršyŭsia paśpiachova, i rakiety ŭžo znachodziacca ŭ Hruzii, paviedamlaje «Naviny-Hruzija».
Ministr abarony Hruzii i ambasadar ZŠA taksama abmierkavali i prahramu abaronnaj hatoŭnaści, jakaja startuje ź viasny 2018 hoda ŭ Hruzii i budzie ažyćciaŭlacca pry padtrymcy ZŠA.
Dziarždepartament ZŠA ŭ listapadzie 2017 hoda ŭchvaliŭ prodaž Hruzii rakietnych kompleksaŭ na sumu 75 miljonaŭ dalaraŭ. Tbilisi źviarnuŭsia da Vašynhtonu z prapanovaj pradać 410 rakiet «Džavielin» (Javelin) i 72 kamandna-puskavyja ŭstanoŭki, u tym liku dva kamandna-puskavych błoki.
Hod tamu, u lutym 2017 hoda było zajaŭlena, što ŭ ramkach ramačnaha pahadnieńnia ZŠA pabudujuć u Hruzii centr bajavoj padrychtoŭki pa anałahu bazy Chochienfiels ŭ Hiermanii. Centr raźmieścicca ŭ pasiołku Vaziani (pobač z Tbilisi). Raniej u listapadzie 2017 hoda stała viadoma, što ZŠA vydzielać Hruzii bolš za 100 miljonaŭ dalaraŭ na pavyšeńnie abarončych mahčymaściaŭ.
