41-hadovy žychar Biarozaŭskaha rajona abvinavačvajecca ŭ hvałcie i hvałtoŭnych dziejańniach seksualnaha charaktaru ŭ dačynieńni da niepaŭnaletnich, paviedamlaje Śledčy kamitet.
Milicyja vyjaviła, što ciaham hoda — ź leta 2016 pa leta 2017 — mužčyna hvałtavaŭ dziaŭčynku. Na toj momant joj było 13 hadoŭ.
Padčas śledstva ŭ spravie źjavilisia jašče 5 paciarpiełych. Mužčyna hvałtavaŭ achviar z 1994 hoda pa 2017-y. Usie achviary — adnaviaskoŭki zatrymanaha.
Cikava, što adnoj z paciarpiełych stała žonka mužčyny — vyśvietliłasia, što ŭ 1994 paŭnaletni viaskoviec zajmaŭsia ź joj seksam. Na toj momant joj jašče nie spoŭniłasia 16 hadoŭ.
Paźniej mužčyna ažaniŭsia ź joj. U ich naradziłasia dzicia.
Śledčyja adznačajuć: mužčyna hvałtavaŭ achviaraŭ na praciahu doŭhaha času, bo baćki paciarpiełych nie źviartali ŭvahu na źmieny ŭ ich pavodzinach (nastroj, zamknionaść). Taksama ŭ hety pieryjad nichto z paciarpiełych i ich baćkoŭ nie źviartaŭsia z zajavami ŭ pravaachoŭnyja orhany. Adna z paciarpiełych paviedamlała pra damahalnictvy z boku mužčyny svajoj maci. Adnak taja nijak nie adreahavała, padumaŭšy, što dačce nie padabajecca, jak ź joj hulajuć.
Ciapier mužčynu pahražaje da 15 hadoŭ źniavoleńnia.
