U Minsku zatrymanyja 25-hadovy i 24-hadovy žychary stalicy, jakija pracavali ŭ internet-kramie i raspaŭsiudžvali asabliva niebiaśpiečny psichatrop šlacham zakładak. U momant zatrymańnia ŭ maładych ludziej pry sabie znachodzilisia 12 skrutkaŭ z asabliva niebiaśpiečnym psichatropnym rečyvam i mabilnyja telefony, u jakich była infarmacyja ab zakładkach na terytoryi stalicy, paviedamlaje HUUS Minskaha harvykankama.
U kvatery adnaho z zatrymanych byli kanfiskavanyja jašče 29 skrutkaŭ z paraškapadobnym rečyvam, elektronnyja šali, palčatki, izastužka, ŭpakovačnyja materyjały. Taksama ciaham ahladu abstalavanych maładymi ludźmi schovanak, raźmieščanych u roznych častkach stalicy, było kanfiskavana bolš za 127 hramaŭ rečyva.
Zhodna z zaklučeńniem ekśpiertaŭ, pradstaŭlenaje na daśledavańnie paraškapadobnaje rečyva, jakoje znachodzicca ŭ palimiernym pakiecie, źmiaščaje ŭ svaim składzie asabliva niebiaśpiečnaje psichatropnaje rečyva, jakoje nie vykarystoŭvajecca ŭ miedycynskich metach — alfa-PVP.
Psichatrop maładyja ludzi zabirali z tajnika na terytoryi Rasijskaj Fiederacyi, zatym pryvozili i realizoŭvali jaho na terytoryi Minska. Jak patłumačyŭ adzin z zatrymanych, prybytkovym biznesam jon vyrašyŭ zaniacca, kab raźličycca z kredytam, jaki jon braŭ na viasielle.
Zaraz u dačynieńni da zatrymanych zaviedzienaja kryminalnaja sprava pavodle č.3 art.328 ( «Niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ») KK Respubliki Biełaruś. Im pahražaje pazbaŭleńnie voli terminam da 15 hadoŭ.
