Z 26 studzienia pravaachoŭniki Minskaj vobłaści vyjavili 226 faktaŭ niezakonnaha vyrabu, zachoŭvańnia i zbytu samahonu i śpirtaŭtrymlivajučaj vadkaści. Ź cieniavoha abarotu vyviedziena bolš za 20 tysiač litraŭ surahatnaha śpirtnoha, likvidavana 38 samahonnych aparataŭ, paviedamlaje UUS Minskaha abłvykankama.
Učora ŭ vioscy Łužany Vałožynskaha rajona ŭ 37-hadovaha žychara vyjaŭlena adna z najbujniejšych samahonnych vytvorčaściaŭ. Na adnym z prysiadzibnych učastkaŭ znojdzieny samahonny aparat i bolš za 12 tysiač litraŭ samahonnaj brahi.
Haspadar vytvorčaści hodam raniej traplaŭ u pole zroku milicyi pry anałahičnych abstavinach. Praŭda, tady jon arhanizavaŭ pracu samahonnaha mini-zavoda na terytoryi Maładziečanskaha rajona. Paśla taho, jak jaho vytvorčaść było likvidavana milicyjaj, vyrašyŭ naładzić «biznes» ŭ susiednim rajonie. U dačynieńni da mužčyny składzieny administracyjny pratakoł.
Fota — UUS Minabłvykankama
Samahonščyki sa stažam ryzykujuć u vypadku zatrymańnia na haračym być pakaranymi štrafam u pamiery da tryccaci bazavych vieličyń. Naturalna z kanfiskacyjaj i źniščeńniem samich napojaŭ, ich paŭfabrykataŭ i aparataŭ dla ich vyrabu.
Akramia taho, u pravaachoŭnikaŭ jość usie padstavy karać i pakupnikoŭ samapalnaha ałkaholu. Nabyćcio nielehalnaha samahonu ciahnie nakładańnie štrafu ŭ pamiery da piaci bazavych vieličyń.
