56-hadovy paštaljon, imia jakoha nie nazyvajecca, zatrymany dla vyśviatleńnia abstavinaŭ. Pošta Italii pačała ŭnutranaje rasśledavańnie i razhladaje mahčymaść padačy pazovu suprać svajho rabotnika.
Ab znachodcy ŭ palicyju paviedamili vałanciory, jakija zajmalisia zboram śmiećcia dla pierapracoŭki. Paštaljon sprabavaŭ zdać im u jakaści makułatury 25 žoŭtych skrynak z markiroŭkaj Pošty Italii, u jakich byli roznyja listy.
Paśla ŭ domie paštaljona byli vyjaŭleny 572 kiłahramy karespandencyi, raźmieščanaj u 43 skrynkach. Siarod listoŭ byli bankaŭskija paviedamleńni, brašury rehijanalnych vybaraŭ 2010 hoda, daviedniki, rachunki za kamunalnyja pasłuhi i kamiercyjnaja karespandencyja.
Navošta ŭsio heta spatrebiłasia paštaru, nieviadoma.
Heta samy vialiki zbor niedastaŭlenaj pošty za ŭsiu historyju italjanskaj paštovaj słužby. Listy i pasyłki dastaviać adrasatam, niahledziačy na toje što terminy dastaŭki daŭno minuli.
