Žurnalisty Maksim Šaŭčenka i Mikałaj Svanidze pabilisia ŭ žyvym efiry radyjo «Komsomolskaja pravda» ŭ Maskvie. Jany nie syšlisia ŭ mierkavańni pra rolu Stalina ŭ Vialikaj Ajčynnaj vajnie.
«Jon davioŭ krainu da vajny z Hitleram u katastrafičnym stanie. Da kanca 41-ha hoda ŭ nas u niamieckim pałonie było 3,8 miljona čałaviek», — skazaŭ Svanidze pra Stalina padčas razmovy ŭ prahramie «Radyjorubka».
«U adroźnieńnie ad Francyi, Saviecki Sajuz na kaleniach nie stajaŭ, a zmahaŭsia», — skazaŭ Šaŭčenka, zajaviŭšy, što jaho apanient «pluje na mahiły zahinułych pad Maskvoj».
Svanidze ŭ svaju čarhu skazaŭ, što zmahaŭsia saviecki narod, a Stalin ni pry čym. Tady kaleha nazvaŭ jaho demahoham. Pamiž žurnalistami ŭsčyniłasia svarka, zatym Svanidze padyšoŭ i ŭdaryŭ Šaŭčenku pa tvary. Mužčyn raźniali, a pieradaču pryjšłosia pierapynić.
