Siomym śmiarotnikam, jaki čakaje vykanańnia prysudu ŭ biełaruskaj turmie na Vaładarskaha, jość 30-hadovy Viktar Lotaŭ, asudžany na śmierć za treciaje zabojstva. Pra heta paviedamiŭ pieršy namieśnik staršyni Viarchoŭnaha suda Biełarusi Valer Kalinkovič, piša Radyjo Svaboda.
Viktar Lotaŭ adbyvaŭ pakarańnie ŭ Hłybockaj turmie, dzie i tam zabiŭ sukamiernika. Prysud Viciebskaha abłasnoha suda, jaki ŭ kastryčniku zaćvierdziŭ Viarchoŭny sud, Lotaŭ nie abskardžvaŭ.
«Infarmacyja pra sudovaje pasiedžańnie nie chavałasia, i my nie źbirajemsia rabić rekłamu sudovym rašeńniam», — adkazaŭ Valer Kalinkovič na prapanovu davać asobnyja źviestki pra śmiarotnyja prysudy.
Pavodle Valera Kalinkoviča, letaś u Biełarusi było vyniesiena 5 śmiarotnych prysudaŭ, jašče 2 užo ŭ 2018 hodzie.
