Hienierał-pałkoŭnik Rustam Inajataŭ źniaty z pasady kiraŭnika Słužby nacyjanalnaj biaśpieki Uźbiekistana. Pra heta Uźbiekskaj słužbie Radyjo Svaboda paviedamili dźvie krynicy ŭ Taškiencie.
Jak adznačajuć ahladalniki, toje, što adbyłosia ŭ sieradu ŭ Uźbiekistanie, «možna paraŭnać tolki ź likvidacyjaj Łaŭrencija Bieryja paśla śmierci Stalina».
Prezident Uźbiekistana Šaŭkat Mirzijeieŭ, narešcie, zdoleŭ vyzvalicca ad samaha adyjoznaha spadčyńnika, pakinutaha jamu Isłamam Karymavym, jaki zdavaŭsia viečnym šefam uźbiekskaha ČK, Rustama Inajatava, piša na svajoj staroncy ŭ fejsbuku rasijski śpiecyjalist pa krainach Centralnaj Azii Arkadź Dubnoŭ. Zaŭvažym, što adbyłosia heta na nastupny dzień paśla taho, jak va Uźbiekistanie dosyć ścipła adznačyli 80-hodździe Isłama Karymava.
