Administracyja pa kibierprastory Kitaja abaviazała apierataraŭ mikrabłohaŭ ustanaŭlivać sistemy dla vydaleńnia niesapraŭdnaj infarmacyi, jakaja raspaŭsiudžvajecca na ich płatformach, paviedamlaje BiełTA.
Adznačajecca, što pastaŭščyki pasłuh pavinny pryniać miery dla praduchileńnia raspaŭsiudžvańnia niesapraŭdnaj infarmacyi, a taksama nieadkładna publikavać abviaržeńni, kali takija materyjały byli raspaŭsiudžany karystalnikami. Taksama apieratary mikrabłohaŭ abaviazany «sadziejničać ekanamičnamu raźvićciu krainy, słužyć hramadstvu i prapahandavać asnoŭnyja sacyjalistyčnyja kaštoŭnaści». Mikrabłohi stali vielmi papularnyja ŭ kitajskim siehmiencie internetu. Mnohija hramadzianie Kitaja karystajucca imi dla čytańnia navin, pierapiski, ažyćciaŭleńnia pakupak, akazańnia i atrymańnia roznych pasłuh.
