Rejtynh najbolš niebiaśpiečnych haradoŭ śvietu, jaki skłali ekśpierty mieksikanskaj arhanizacyi «Hramadzianskaja rada pa biaśpiecy i kryminalnym pravasudździ», pa vynikach 2017 h. uznačaliŭ Łos-Kabas, raźmieščany ŭ mieksikanskim štacie Paŭdniovaja Nižniaja Kalifornija, dzie ŭ 2012 hodzie adbyŭsia samit G20.
Jak adznačajuć ekśpierty, u hetym horadzie ŭ 2017 hodzie byŭ zafiksavany samy vysoki ŭzrovień zabojstvaŭ - 111 vypadkaŭ na kožnyja 100 tys. čałaviek. Na druhim miescy rejtynhu apynułasia stalica Vieniesueły Karakas. Treciaje miesca zaniaŭ horad Akapulka ŭ mieksikanskim štacie Hierera. Tut na 100 tys. čałaviek prychodzicca amal 107 zabojstvaŭ.
U dakładzie havorycca, što ŭ top-10 samych niebiaśpiečnych haradoŭ śvietu patrapili piać haradoŭ ź Mieksiki. Akramia ŭžo zhadanych u śpisie apynulisia Ła-Pas, Tychuana i Śjudad-Viktoryja.
Usiaho ŭ rejtynhu 50 haradoŭ śvietu, bolšaść ź jakich raźmieščany ŭ Łacinskaj Amierycy. Lidarami pa kolkaść niebiaśpiečnych haradoŭ stali Brazilija i Mieksika — 17 i 12 haradoŭ adpaviedna.
Što da Biełarusi, to za 2017 hod, pa źviestkach milicyi, u krainie było zarehistravana 348 zabojstvaŭ i zamachaŭ na zabojstva (3,5 — na 100 tys. nasielnictva).
