Zdareńnie adbyłosia jašče ŭ pačatku lutaha ŭ Vilejcy. U adzin sa šmatkvaternych damoŭ zajšli z baułami try smuhłyja žančyny 30—35 hadoŭ. Jany telefanavali va ŭsie kvatery i prapanoŭvali haspadaram kupić u ich paścielnyja rečy.
«Adnak žychary nie śpiašalisia puskać žančyn u svaje kvatery: mnohich biantežyła niesłavianskaja źniešnaść i smuhły koler tvaraŭ handlarak, navat jarka rudyja vałasy adnoj ź ich zusim nie ratavali stanovišča. Mabyć, ludzi atajasamlali handlarak z varažbitkami, jakija za «Pazałaci ručku» prapanoŭvajuć raskazać usiu praŭdu», — paviedamlaje milicyja Minskaj vobłaści.
U rešcie rešt, adzin z žycharoŭ, mužčyna kala 80 hadoŭ, na prapanovu kupić što-niebudź z paścielnych rečaŭ, zaprasiŭ žančyn u svaju kvateru. Aznajomiŭšysia z asartymientam i vybraŭšy ŭpadabanyja jamu koŭdru i paduški, mužčyna zhadziŭsia nabyć ich za 300 rubloŭ. Razam z žančynami jon prajšoŭ u spalniu, dzie z kišeni palito dastaŭ pačak 50-rublovych kupiur i paabiacaŭ, što jany zmohuć zarabić jašče bolš, kali pahodziacca zadavolić jaho seksualnyja fantazii.
Niadoŭha dumajučy, adna ź ich pahadziłasia na prapanovu i pacikaviłasia, dzie ŭ kavalera znachodzicca vanny pakoj. Žančyna paskardziłasia, što nie ciače haračaja vada, piensijanier pasprabavaŭ razabracca.
Pakul jon vyrašaŭ prablemy z vadoj, siabroŭki jaho hości syšli.
«Adnak kali na parozie spalni źjaviłasia jaho vybrańnica i nie pabačyła svaich siabrovak, to jaje entuzijazm imhnienna vyčarpaŭsia, i jana zajaviła, što sam-nasam z mužčynam u kvatery nie zastaniecca. Chutka apranuŭšysia, žančyna adpraviłasia ŭśled za siabroŭkami. Piensijanier nie mocna źniervavaŭsia, tak jak i sam byŭ nie asabliva ŭpeŭnieny, što ŭ ich niešta atrymajecca. Praź niekatory čas, zapadozryŭšy niaładnaje, mužčyna kinuŭsia da šafy: 2000 rubloŭ u kišeni palito — jak nie było», — raspaviadajuć milicyjanty.
U vyniku piensijanier nabraŭ 102. Apieratyŭniki kryminalnaha vyšuku apytali paciarpiełaha i inšych žycharoŭ. Usie apytanyja sychodzilisia na dumcy, što žančynam 30—35 hadoŭ i jany vielmi padobnyja na cyhanak. Dziakujučy raźmieščanym niepadalok ad doma kamieram videanazirańnia ŭdałosia ŭstalavać, što handlarki pierasoŭvalisia na aŭtamašynie sierabrystaha koleru padobnaj na «Piežo-806».
Ciapier ich šukajuć. Kali chtości paznaŭ žančyn, prośba paviedamić u UUS Minskaha abłvykankama pa telefonach: 8 017 229 06 87 i 8 025 774 11 58.
