Uzrovień miesiačnaj inflacyi ŭ Vieniesuele ŭ lutym pieravysiŭ 80%. Za hod hety pakazčyk dasiahnuŭ 6141,1%. Pra heta sa spasyłkaj na spravazdaču kamisii pa finansach Nacyjanalnaj asamblei krainy paviedamlaje hazieta El Nacional.
Kiraŭnik kamisii Chase Hiera adznačyŭ, što taki pakazčyk źniščaje zarobki, piensii i źbieražeńni.
2 sakavika prezident Vieniesueły Nikałas Madura abviaściŭ pra pavyšeńnie minimalnaj zarpłaty ŭ krainie na 58%. Pa kursie čornaha rynku, jaki faktyčna vykarystoŭvajecca ŭ dziaržavie, jon dasiahnie $2, pa aficyjnym — $12.
U lutym Bloomberg čaćviorty raz zapar pryznaŭ Vieniesuełu samoj «kiepskaj» ekanomikaj śvietu. Vieniesueła časova pazbaŭlenaja prava hołasu ŭ Hienieralnaj asamblei AAN z-za daŭhoŭ pa siabroŭskich unioskaŭ.
