Arhkamitet śviata raspačaŭ zbor srodkaŭ na mitynh i kancert. Usiaho arhanizataram śviatkavańnia 100-aj hadaviny abviaščeńnia BNR treba sabrać 8270 rubloŭ.
Śviata Niezaležnaści, prymierkavanaje da 100-hodździa BNR, pieršaj biełaruskaj respubliki, projdzie ŭ Hrodnie 25 sakavika z 14.00 da 17.00 u Kałožskim parku. U prahramie — vystupy muzyčnych hurtoŭ, śviatočnyja vinšavańni haściej i arhanizataraŭ, pramovy historykaŭ, tematyčnaja fotazona i simvolika, fudkort (kava i harbata), suvieniry i atrybutyka.
Mierapryjemstva aficyjna ŭzhodniena z haradskimi ŭładami.
Arhanizatary na dadzieny momant majuć sabrać 8270 rubloŭ.
Achviaravać možna asabista ŭ pamiaškańni kramy Cudoŭnia (https://vk.com/cudounia, https://www.facebook.com/Cudounia), albo pazvaniŭšy na numary +375 296 540 534 Vadzim, ci +375 295 852 585 Dźmitryj.
Arhanizatary taksama raspačynajuć kampaniju na Tałace.
Arhanizatary zaprašajuć haściej brać z saboj zarehistravanuju i tematyčnuju simvoliku (nacyjanalnyja ściahi, vyjavy Pahoni, arnamientavanyja stužki i vyšyvanki), siabroŭ, kalehaŭ, lubimych dziaŭčat i chłopcaŭ dy śviatočny viasnovy nastroj!
