Tolki Rasija mahła stajać za napadam na byłoha ahienta i jaho dačku, zajaviŭ u intervju The Telegraph rasijski chimik Vił Mirzajanaŭ, jaki žyvie ŭ ZŠA i ličycca adnym sa stvaralnikaŭ atrutnaha rečyva «Navičok».
Jon upeŭnieny, što tolki Maskva mahła stajać za napadam na byłoha pałkoŭnika HRU Siarhieja Skrypala i jaho dačku Juliju ŭ brytanskim Sołśbiery. Formułu hetaha niervova-paralityčnaha rečyva Rasija nie rassakrečvaje, tamu nie ŭjaŭlajecca mahčymym, kab jaho vykarystoŭvała jakaja-niebudź inšaja kraina, zajaviŭ jon u intervju brytanskamu vydańniu The Telegraph.
Na dumku navukoŭca, jaki pakinuŭ Rasiju ŭ 1995 hodzie i ciapier žyvie ŭ Ńju-Džersi, na terytoryju Vialikabrytanii byli zaviezienyja dva biasškodnyja kampanienty, nieabchodnyja dla stvareńnia «Navička», i ŭžo tam jany byli złučanyja ŭ aerazolny sprej. «Tolki 10 hramaŭ hetaha rečyva — heta ŭžo šmat. U letni čas usiaho dvuch hramaŭ było b dastatkova, kab zabić 500 čałaviek», — cytuje słovy Mirzajanava vydańnie.
U Skrypala i jaho dački niama šancaŭ na vyzdaraŭleńnie
Kali były ahient i jaho dačka byli sapraŭdy atručanyja «Navičkom», u ich niama nijakich šancaŭ na vyzdaraŭleńnie, adznačyŭ dalej navukoviec. «Hetyja ludzi syšli — mužčyna i jaho dačka. Navat kali jany vyžyvuć, jany nie papraviacca», — padkreśliŭ jon, dadaŭšy, što «Navičok» pa mienšaj miery «u dziesiać razoŭ macniejšy, čym luboje viadomaje atrutnaje rečyva». Adnačasova Mirzajanaŭ vykazaŭ aściarohi, što dziejańniu hetaha rečyva mahło padvierhnucca jašče «značna bolš ludziej».
Jak adznačaje The Telegraph, Vił Mirzajanaŭ na praciahu 26 hadoŭ pracavaŭ u Dziaržaŭnym navukova-daśledčym instytucie arhaničnaj chimii i technałohii, jaki źjaŭlaŭsia ŭ SSSR hałoŭnym vajennym centram pa vytvorčaści chimičnaj zbroi. U im jon uznačalvaŭ adździaleńnie kontrvyviedki.
