SBU vypravadziła z Ukrainy hramadzianina Polščy, studenta adnaho z vyšejšych navučalnych ustanoŭ Ciarnopala, za publičny ździek nad stylizavanym malunkam hierba Ukrainy, paviedamlaje pres-słužba SBU ŭ Ciarnopalskaj vobłaści.
Pravaachoŭniki ŭstanavili, što 19-hadovy palak padčas adpačynku ź siabrami ŭ ustanovie hramadskaha charčavańnia publična spaliŭ u kaminie stylizavanuju vyjavu małoha hierba Ukrainy, što ŭpryhožvała ścianu zały.
«Z pryčyny adsutnaści ŭ dziejańniach zamiežnika składu złačynstva i adnačasovaj nieadpaviednaści jaho dalejšaha znachodžańnia va Ukrainie intaresam zabieśpiačeńnia biaśpieki našaj dziaržavy, 12 sakavika pravaparušalnika prymusova viarnuli na terytoryju Polščy z zabaronaj ŭjezdu va Ukrainu terminam na try hady», — havorycca ŭ paviedamleńni.
U SBU patłumačyli, što prymusova vypravadzili studenta za ździajśnieńnie chulihanskich dziejańniaŭ, jakija adkryta prynižali nacyjanalny honar i hodnaść ukraincaŭ, a taksama mahli pryvieści da raspalvańnia nacyjanalnaj nianaviści.
