Fota «Virtualny Brest».
U Breście na adnoj z centralnych vulic pierakryvali ruch z-za mulaža vybuchovaha prystasavańnia, prymacavanaha da lehkavoha aŭtamabila, paviedamlaje BiełTA.
Incydent adbyŭsia siońnia kala 10.40 za bresckim CUMam. Uładalnik aŭtamabila «Mersedes» patelefanavaŭ na liniju 102 i paviedamiŭ, što da jaho mašyny prymacavana vybuchovaje prystasavańnie. Pa nazvanym adrasie nieadkładna vybyła sapiorna-piratechničnaja hrupa. Miesca zdareńnia było ačeplena, pravaachoŭniki zaviali minakoŭ na biaśpiečnuju adlehłaść. Pry ahladzie mašyny niebiaśpiečnych pradmietaŭ nie vyjaŭlena.
Jak akazałasia, da aŭtamabila chtości prymacavaŭ mulaž vybuchovaha prystasavańnia. U ciapierašni čas supracoŭniki pravaachoŭnych orhanaŭ vyśviatlajuć abstaviny zdareńnia, a taksama šukajuć asob, jakija majuć dačynieńnie da hetaha zdareńnia.