Miemaryjalnaja doška ŭ honar abviaščeńnia niezaležnaści BNR, jakuju majuć paviesić na domie na vulicy Vaładarskaha, 9, dzie była padpisanaja Treciaja Ustaŭnaja hramata, hatovaja da mantažu. Ustanavić jaje mierkavali napiaredadni 25 sakavika, dy haradskija ŭłady nie paśpiavajuć uzhadnić. Ale, jak kaža staršynia Biełaruskaha sajuza mastakoŭ Ryhor Sitnica, jaki źviartaŭsia ŭ Minharvykankam z prośbaj dazvolić ustanoŭku doški, ułady nie suprać i tolki spryjajuć pracesu, piša Radyjo Svaboda.
«Minharvykankam jašče nie pryniaŭ farmalnaha rašeńnia: vusna ŭsio ŭ normie, ale z čysta techničnych pryčynaŭ nie było pasiedžańnia», — kaža Sitnica.
Pavodle Sitnicy, adkryćcio doški anansavali zarana — da vykanańnia nieabchodnych praceduraŭ i atrymańnia dazvołu na imprezu. Adpaviednyja pasiadžeńni zvyčajna adbyvajucca pa čaćviarhach, ale raniej ich nie mahli arhanizavać, bo staršynia Minharvykankama byŭ u adjeździe. Pasiadžeńnie maje adbycca 22-ha abo 23-ha sakavika — ułady paprasili pieranieści adkryćcio doški na nastupny tydzień.
«Ja nie baču ŭ hetym vialikaj prablemy, — kaža Sitnica. — Spačatku prymajecca rašeńnie ŭładaŭ, jakija dazvalajuć paviesić došku, zatym tyja, chto jaje robiać, pavinny pakazać jaje haradskoj mastackaj radzie, jakaja robić zaklučeńnie, što nie maje piarečańniaŭ suprać eskizu i miesca, i kali ŭzhadniaje, to hetaja doška vykonvajecca ŭ materyjale, pišacca zajaŭka na čas adkryćcia.
Tak rabiłasia, kali stavili miemaryjalny znak na miescy damoŭ bratoŭ Łuckievičaŭ, tady nie ŭźnikła nijakich prablemaŭ, bo zahadzia było ŭzhodnienaje miesca, eskiz, a paśla čas adkryćcia.
Ja atrymaŭ list ad haradskich uładaŭ, dzie napisana, začytvaju: «Sa svajho boku paviedamlajem ab adsutnaści pryncypovych piarečańniaŭ praviadzieńniu masavaha mierapryjemstva pry ŭmovie ažyćciaŭleńnia ŭsich pracedur».
Sitnica dadaje, što «25-m śviatkavańnie nie zakančvajecca», paśla 25 sakavika buduć prachodzić roznyja imprezy i vystavy, pryśviečanyja BNR. Jon pierakanany, što došku ŭstanoviać i adkryjuć na nastupnym tydni, jak tolki toje dazvolać ułady, i padkreślivaje, što adkryćcio pieranosicca nie na «niapeŭny čas», a mienavita na nastupny tydzień.
