Dahavor ab asnovach supracoŭnictva pamiž Biełaruśsiu i Hruzijaj padpisany ŭ Tbilisi pa vynikach pieramoŭ lidaraŭ dźviuch krain, paviedamlaje BiełTA.
U dahavory zamacavany namier Biełarusi i Hruzii sadziejničać umacavańniu ŭzajemadziejańnia na ŭsich uzroŭniach i va ŭsich śfierach, što ŭjaŭlajuć uzajemnuju cikavaść. Krainy damovilisia ab dalejšym raźvićci palityčnaha dyjałoha, dahavorna-pravavoj bazy dvuchbakovaha supracoŭnictva, uzajemadziejańni ŭ ramkach mižnarodnych arhanizacyj, u tym liku pa klučavych pytańniach hłabalnaj i rehijanalnaj biaśpieki.
Adznačajecca taksama namier zaachvočvać kantakty na ŭzroŭni małoha i siaredniaha biźniesu i realizacyju sumiesnych prajektaŭ, raźvivać supracoŭnictva ŭ halinie maksimalna efiektyŭnaha vykarystańnia tranzitnaha patencyjału bakoŭ šlacham realizacyi sumiesnych prajektaŭ u halinie transpartu i łahistyki, a taksama ŭdziełu ŭ raźvićci mižnarodnych tranzitnych kalidoraŭ.
Akramia taho, u prysutnaści kiraŭnikoŭ dziaržaŭ padpisany jašče 10 dakumientaŭ, nakiravanych na raźvićcio supracoŭnictva pa kankretnych napramkach. U ich liku pahadnieńnie pamiž uradami Biełarusi i Hruzii ab uzajemnych biaźvizavych pajezdkach hramadzian.
